घोडाघोडीमा सवारी दुर्घटाना हुँदा १ को मृत्यु, आफन्त द्वारा सडक अबरुद्ध

सुख्खड

 कैलालीको घोडाघोडी नगरपालिका १ घोडाघोडी मन्दिर नजिकै ट्याक्टरकाे ठक्करबाट माेटर साईकल चालककाे मृत्यु भएको छ ।

पश्चिम बाट पूर्व तर्फ गइरहेको से १ च ५०४८ नम्बरको ट्याक्टरले सोही दिंशामा गइरहेको  से ५ प १७६३ नम्बरको मोटर साईकललाई ठक्ककर दिंंदा  मोटरसाइकल चालक शुरेश लामिछानेको मृत्यु भएको इलाका प्रहरी कार्यालय सुख्खडले जनाएको छ ।

 इलाका प्रहरी कार्यालय सुख्खडका इन्चार्ज एवं प्रहरी नायव उपरिक्षक सागर बोहराका अनुसार दुर्घटनामा परी गम्भिर घाइते लामिछानेलाई उपचारका लागि अस्पताल लैजाँदै गर्दा बाटोमै मृत्यु भएको हो ।

 यता आफन्तले भने विना जानकारी एकलौटी तरिकाले प्रहरीले मुचुल्का बनाई घटना लुकाउन खोजेको आरोप लगाएका छन् । उनिहरुले सत्य तथ्य छानविन हुनुपर्ने माग सहित पूर्व पश्चिम राजमार्ग अबरुद्ध गरेका छन् ।

 मृतक घोडाघोटडी नगरपालिका ४ का स्थानीय हुन् । ट्याक्टर र चालक प्रहरी नियन्त्रणमा रहेको प्रहरीले जनार्एको छ ।