डोटीमा आजै थपिए तीन नयाँ संक्रमित

धनगढी,

      सुदूरपश्चिम प्रदेशको डोटीमा बुधबार नै थप तीन जनामा कोरोना संक्रमण पुष्टि भएको छ । तीन जना थपिएपछि सुदूरपश्चिममा कोरोना संक्रमितको संख्या ८१ पुगेको छ । यसअघि बुधबार दिउँसो सुदूरपश्चिम प्रदेशका विभिन्न स्थानमा पाँच जनामा कोरोना संक्रमण पुष्टी भएको थियो ।

    धनगढी स्थित प्रयोगशालामा गरिएको परिक्षणमा दिउसो पाँच जनामा पुष्टि भएकोमा आजै बेलुकी पख थप तीन जनामा पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए । नयाँ संक्रमित सवै डोटीको पुर्वीचौकी गाउँपालिकाका रहेका छन् ।

       नयाँ संक्रमितहरुमा पूर्वीचौकी गाउँपालिका–४ की ४५ बर्षीय महिला, २७  बर्षीय पुरुष र वडा नम्वर ७ का २२ बर्षीय पुरुष रहेको सूचना अधिकारी श्रेष्ठले बताए ।

      बुधबार दिउँसो पूर्वीचौकी ४ का २२ बर्षीय र पूर्वीचौकी ७ का २५ बर्षीय पुरुषमा कोरोना पुष्टि भएको थियो भने धनगढी उप–महानगरपालिका वडा नम्वर ५ का ५१ बर्षीय पुरुष, गौरीगंगा नगरपालिकाका २० र २५ बर्षीय पुरुषमा कोरोना पुष्टि भएको थियो ।