सहमतिमै टुंगिन्छन् अधिकांश लैंगिक हिंसाका उजुरी

धनगढी । प्रहरी कार्यालयमा पुगेका लंैगिक हिंसाका अधिकांश घटना आपसी सहमतिमै टुंगिने गरेका छन् ।

घर बाहिर लिङ्गका आधारमा हिंसा गर्नेहरू विरुद्ध कारबाहीको माग राखेर जिल्ला प्रहरी कार्यालय पुगेका अधिकांश घटनाहरू दुवै पक्षको सहमतिमा टुंगिने गरेका छन् । 

विगत चार वर्षमा हरेक वर्ष लैंगिक हिंसाका घटना बढे पनि हरेक वर्ष एकाध बाहेकका अधिकांश घटनामा सहमति भएको छ ।

महिलालाई शारीरिक, मानसिक, सामाजिक सांस्कृतिक, आर्थिक तथा यौनिक रूपमा असर पर्ने गरी गरिएका क्रियाहलाहरु लैंगिक हिंसाको रूपमा उजुरी दर्ता हुने गरेका छन् ।

जिल्ला प्रहरी कार्यालय कैलालीका अनुसार चालु आर्थिक वर्ष २०८१÷०८२ को साउनदेखि माघ महिनासम्म एक सय १७ जनाले लैंगिक हिंसाका उजुरी दर्तागारएका छन् । दर्ता भएका उजुरी मध्य एक सय १३ उजुरीमा सहमति भएको छ ।

चार उजुरी मात्र  अदालत पठाइएको कैलाली प्रहरी कार्यालयकी महिला सेल प्रमुख प्रहरी निरीक्षक कल्पना पौडेलले बताइन् । 

त्यसै गरी, आर्थिक वर्ष २०८०÷०८१ मा एक सय ५७ लैंगिक हिंसाका उजुरी प्रहरीमा दर्ता भएका थिए । यसमध्य एक सय ५६ उजुरी मिलापत्र भएको थियो, भने एउटा उजुरी कैलाली अदालतमा पठाइएको कैलाली प्रहरी कार्यालय महिला सेलले जनाएको छ । 

प्रमुख प्रहरी निरीक्षक पौडेलका अनुसार ०७९÷०८० मा लैंगिक हिंसाका  एक सय ३१ उजुरी दर्ता भएका थिए । यसमध्य एक सय ३० उजुरी मिलापत्र भएको र एउटा उजुरी सम्बन्धित निकाय ९कैलाली अदालत० मा पेश भएका थिए । 

त्यस्तै २०७८÷०७९ मा एक सय २७ लैंगिक हिंसाका उजुरी दर्ता भएको प्रहरी निरीक्षक पौडेलले बताइन् । यसमध्ये सबै उजुरी मिलापत्र गरी घर पठाइएको उनले बताइन् । 

उनले पहिला हिंसामा परेका महिलाहरू खुलेर बाहिर आउन नचाहने गरेको भए पनि अहिले शिक्षित भएसँगै प्रहरीमा आउने गरेकाले गर्दा उजुरीको संख्या बढेको बताइन् ।

उनले भनिन, ‘अहिले मानिस शिक्षित भए । पहिलाको जस्तो हिंसा सहँदैनन् । पहिला हिंसामा परेपछि सहेर बस्नु पथ्र्यो । प्रहरीमा आउन जाँदैनथ्यो । अहिलेका मान्छेहरू शिक्षित पनि भए उनीहरूलाई हिंसा सहनु हुँदैन । प्रहरीमा जानुपर्छ । शिक्षाले गर्दा पनि होला । जनचेतनाको स्थर पनि बढेको हो की  ? 

आफूहरूले विद्यालय लगायत समुदायहरूमा लैंगिक हिंसा सम्बन्धी विभिन्न कार्यक्रमहरू गर्दै जनचेतना फैलाउने कामहरू गरिरहेको उनले बताइन् । मानिसहरूमा जनचेतनाको विकासले गर्दा पनि पहिला भन्दा अहिले खुलेर बाहिर आउने गरेकाले हिंसाका घट्ना बढेको उनको भनाइ छ । 

अहिले मानिसहरू स–सानो कुरामा पनि प्रहरी समक्ष पुग्ने गरेको उनले बताइन् । अहिले बढ्दो सामाजिक सञ्चालको दुरुप्रयोगले गर्दा पनि लैंगिक हिंसाका घट्ना बढेको हुन सक्ने उनको ठम्याई छ । 

गैर सहकारी संस्था महासंघ सुदूरपश्चिम प्रदेश अध्यक्ष देवी प्रसाद खनालले लैंगिक हिंसा न्यूनीकरणका लागि सरकारी तथा गैर सरकारी निकायहरूले प्रभावकारी रूपमा निरन्तरता दिन नसक्दा बढेको बताए । कानुनी प्रावधानहरूलाई प्रभावकारी कार्यान्वयन गर्ने नसकिएको उनले बताए । 

समाजमा अहिले पनि कुरुती कुसंस्कार लगायत पुर्खौँदेखि चलिआएका चालचलनलाई बढुवा दिँदा पनि लैंगिक हिंसालाई बढुवा दिइरहेको उनको भनाइ छ । लैंगिक हिंसा सम्बन्धी कानुनी प्रावधानहरुलाई समुदायस्तरमा जनचेतना फैलाउन सकेमा हिंसा न्यूनीकरण हुने उनले बताए ।