कहाँबाट आए सुदूरपश्चिमका ४३ कोरोना संक्रमित

धनगढी

        सुदूरपश्चिम प्रदेशमा सोमबार १८ जना कोरोना संक्रमित थपिए संगै हाल सम्म संक्रमितको संख्या ४३ पुगेको छ ।

 हाल सम्म प्रदेशमा देखिएका तीन जना बाहेक अन्य सवै संक्रमित भारतबाट आएका  हुन् । सुदूरपश्चिम प्रदेशमा चैत १४ गते धनगढी स्थित तारानगरका युवामा पहिलो पटक कोरोना संक्रमण देखिएको   थियो । उनि दुवैबाट प्लेन मार्फत भारतको नयाँ दिल्ली र नयाँ दिल्लीबाट प्लेनमा काठमाण्डौ आएका थिए । काठमाण्डौंबाट प्लेनमै नेपालगञ्ज पुगेका उनि त्यहाँबाट बस मार्फत धनगढी पुगेका थिए ।

चैत २१ गते सुदूरपश्चिममा थप दुई जनामा कोरोना संक्रमण देखिएको थियो । जसमा एक जना स्थानीय महिला रहेकी थिइन् । ती महिला प्रदेशकै पहिलो संक्रमित रहेका तारानागरका युवकको भाउजु रहेकी थिइन् । २१ गते देखिएका अर्को युवक कञ्चनपुरको महेन्द्रनगरका थिए । २१ बर्षे ती युवक भारतको उत्तराखण्डबाट फर्किएका थिए ।

सुदूरपश्चिममा चौथो, संक्रमित चैत २१ गते नै फेला परेका थिए । लम्की चुहा नगरपालिका–३ का ती युवक भारतको मुम्बइबाट आएका थिए । पाँचौं संक्रमित बैशाख १ गते फेला परेकी थिइन । लम्की चुहा नगरपालिका–१ घर भएकी ६१ बर्षे  महिला लकडाउन पछि प्रदेश नम्बर–२ को बिरगञ्जबाट बस मार्फत चैत २७ गते लम्की पुगेकी थिइन । पहिलो चरणमा फेला परेका पाँचै जना उपचार पछि निकोभएर घर फर्किसकेका छन् ।

करिव ४३ दिनको अन्तराल पछि जेठ ९ गते सुदूरपश्चिम प्रदेशमा एकै पटक पाँच जनामा कोरोना पुष्टि भएएको थियो ।  जसमा कैलालीका तीन जना र बैतडी, तथा डडेल्धुराका एक÷एक जनामा कोरोना पुष्टी भएको हो । उनिहरु सवै गौरिफण्टा नाका हुँदै भारतबाट भित्रिएका थिए ।

जेठ ९ गते देखिएका संक्रमितमा कैलालीको जानकी गाउँपालिकाका तीन जना, डडेल्धुराको परशुराम नगरपालिका एक जना र बैतडीको शिवनाथ गाउँपालिकाका एक जना रहेका थिए । ती पाँच जना संगै सुदूरपश्चिममा कोरोना संक्रमितको संख्या १० पुगेको थियो ।

जेठ १० गते बैतडीमै थप ४ जना संक्रमित फेला परेका थिए । उनिहरु संगै प्रदेशभरी संक्रमितको सङख्या १४ पुगेको थियो । १० गते थपिएका संक्रमित बैतडीको शिवनाथ गाउँपालिका–१ का २७ र २० बर्षीय तथा वडा नम्वर २ का २२ र ३० बर्षीय पुरुष रहेका थिए । उनिहरु सवै भारतबाट आएका थिए । उनिहरु जेठ ८ गते गौरिफण्टा नाकामा पुगेका थिए ।

जेठ ११ गते प्रदेशमा थप एक जनामा कोरोना पुष्टी भएको थियो । अछामको मेल्लेख गाउँपालिका ४ का ३२ वर्षे पुरुषमा ११ गते कोरोना संक्रमण पुष्टी भएको हो । भारतबाट आएका उनी जेठ ८ गते गौरीफन्टा नाकाबाट नेपाल प्रवेश गरेका थिए ।

        जेठ १३ गते सुदूरपश्चिममा थप दुई जनामा कोरोना संक्रमण पुष्टी भएसंगै यस प्रदेशमा संक्रमितको संख्या १७ पुगेको थियो । १३ गते थपिएका दुई जना कैलालीको जानकी गाउँपालिका–१ दुर्गौली स्थित सरस्वती माध्यमिक विद्यालयको क्वारेन्टाइनमा रहेका ३८ बर्षिय पुरुष र अछामको मेल्लेख गाउँपालिकाकी ११ बर्षीय बालिका रहेका थिए । नेपालमा रहेका भारतीयलाई सीमासम्म छोड्न गएको गाडीमा बसेर जानकी नगरका संक्रमित बाँकेको रूपडियाबाट जेठ २ गते राति कैलालीको सत्ती स्थित कर्णाली माध्यमिक विद्यालयको क्वारेन्टाइनमा रहेर जेठ ३ गते दुर्गौलीको सरस्वती माध्यमिक विद्यालयको क्वारेन्टाइनमा ल्याइएका थिए ।

यसै गरी जेठ १३ गते नै संक्रमण पुष्टी भएकी अछामकी संक्रमित बालिका जेठ ८ गते आफ्ना बुवासंगै गौरीफन्टा नाका भएर धनगढी भित्रिएकी थिइन् ।

जेठ १८ गते सुदूरपश्चिमका विभिन्न जिल्लामा थप पाँच जनामा कोरोना संक्रण पुष्टी भएको थियो । संक्रमण हुनेमा बाजुराको बुढिगंगा नगरपालिका–१ की दुई वर्षीया मृतक बालिका र उनकी २३ वर्षीया आमा, धनगढी उप–महानगरपालिका–३ का ४७ वर्षीय पुरुष, कैलालीको भजनी नगरपालिका– ७ का २३ वर्षीय पुरुष र जानकी गाउँपालिका– ९ का ३४ वर्षीय पुरुष रहेका थिए । १८ गते थपिएका संक्रमित संगै प्रदेशमा संक्रमितको संख्या २६ पुगेको थियो । उनिहरु सवै भारतका विभिन्न स्थानबाट गौरिफण्टा नाका हुँदै सुदूरपश्चिम भित्रिएका थिए ।

 जेठ १९ गते मात्रै सुदूरपश्चिम प्रदेशमा थप १८ जनामा कोरोना संक्रमण पुष्टी भएको  छ । यो संगै प्रदेशमा कोरोना संक्रमितको संख्या ४३ पुगेको छ ।

सोमबार थपिएका हरुमा कैलालीका १०, डोटीका ५,कञ्चनपुर, अछाम र बैतडीका एक÷एक गरी १८ जनामा संक्रमण पुष्टि भएको हो । कैलालीका १० संक्रमित मध्ये एक जना धनगढी उप–महानगरपालिका १०का २५ बर्षीय पुरुष, गौरीगंगाका ४७ बर्षीय पुरुष, २४ बर्षीय पुरुष, २१ बर्षीय पुरुष र २४ बर्षिय पुरुष, बर्दगोरीया ६ का २७ बर्षीय पुरुष रहेका छन् ।

यसै गरी गौरीगंगा–२ को मालिका माविको क्वारेन्टिनमा रहेका १९ बर्षीय पुरुष, ३३ बर्षीय पुरुष, २८ बर्षीय पुरुष, ३५ बर्षीय पुरुष, २८ बर्षीय महिला, २७ बर्षीय महिला, ५ बर्षीय बालक, २२ बर्षीय महिलामा कोरोना पुष्टि भएको सेती प्रादेशिक अस्पतालका सूचना अधिकारी दिलिप श्रेष्ठले बताए ।

सोमबार नै थपिएकाहरुमा कञ्चनपुरको शुक्लाफाँटा नगरपालिकाका ११ महिने बालक हुन भने डोटीका संक्रमित शिखर नगरपालिका–३ का २५ बर्षीय पुरुष रहेका सूचना अधिकारी श्रेष्टले बताए । यस्तै बैतडीका संक्रमित पाटन नगरपालिका–८ का ३५ बर्षीय पुरुष र अछामको चौरपाटी गाउँपालिका–२ का ३३ बर्षीय पुरुषमा समेत सोमबार कोरोना संक्रमण पुष्टी भएको छ । सोमबार संक्रमण देखिएका सवै भारतबाट सुदूरपश्चिमका विभिन्न नाका हुँदै प्रदेश भित्रिएका थिए ।

सुदूरपश्चिम घर भएका  दुई जना (बाजुरा र बझाङका) कोरोना संक्रमितको भने कर्णाली प्रदेशमा उपचार भईरहेको छ । हाल सम्म कैलालीमा २३, बैतडीमा ६, अछाममा तीन, बाजुरा र कञ्चनपुरमा दुई/दुई, डोटी, डडेल्धुरा र दार्चुलामा एक/एक जनामा कोरोना पुष्टि भएको छ ।