सुदूरपश्चिममा किन एक्लिय भीम रावल ?

धनगढी । एमाले अध्यक्ष केपि शर्मा ओलीले माघ ५ गते संसद विघटन गर्दा एमालेका तत्कालिन बरिष्ठ नेता माधव कुमार नेपाल सहित उपाध्यक्ष भीम रावलले त्यसको विरोध गरे ।

देशभर एमालेका नेता कार्यकर्ता  दुई खेमामा विभाजन भए । सुदूरपश्चिममा पनि संसद विघटन पछि एमाले प्रष्ट दुई खेमामा बाँडियो । प्रदेशसभामा रहेका एमालेका बहुमत सांसद माधव समुहमा खुले । सुदूरपश्चिममा एमालेका २५ मध्य १७ सांसदले माधव नेपाललाई रोज्दा त्यसको श्रेय उपाधयक्ष भीम रावललाई गएको थियो ।

ओलीले दोश्रो पटक संसद विघटना गर्दा पनि सुदूरपश्चिम प्रदेशसभामा माधव समुह रोज्ने सांसदको संख्या बहुमति थियो । सुदूरपश्चिम प्रदेशसभाका बहुमत सांसद माधब नेपाक्षमा जानुमा भीमबहादुर रावलको योगदान रहेको चर्चा चलेको थियो । तत्कालिन रुपमा एमाले अध्यक्ष केपि ओलीको खरो आलोचक रहेका रावलले आफ्नो प्रदेशमा ओलीलाई एक्ल्याएको भन्दै टिकाटिप्पणी समेत भएका थिए ।

तर एमाले बाट छुट्टिएर माधव नेपालले छुट्टै पार्टी बनाउँदा सुदूरपशिचमबाट भीमरावल समेत एक्लिएका छन् । भीमराव एकताको पक्षमा लाग्ने भन्दै एमालमै बस्दा उनका भनिएका सुदूरपश्चिम प्रदेशसभाका १७ मध्य १३ जना सांसद माधव नेपालले गठन गरेको नेकपा (एकिकृत) समाजबादी पार्टीमा लागेका छन् । यसले रावलको पकड मात्रै खोसिएन, यस अघिको तथ्यलाई समेत गलत सावित बनाएकोछ ।

आखिर किन एक्लिए सुदूरपश्चिमबाट भीमरावल <

नेकपा एमाले सुदूरपश्चिमका नेताका अनुसार हाल माधव नेपालमा गएका सुदूरपश्चिमका सांसद भीमरावलका कहिल्यै थिएनन् । एमालेको ९ औं महाँधिवेसन अघि कैलालीका दिर्घ सोडारी, कञ्चनपुरका तारालामा तामाङ लगायतका नेता झलनाथ खनालको लाइमा रहेका थिए । दुवै नेताले विद्यार्थी राजनीति झलनाथ खनालको लाइनबाट सुरु गरे ।

एमालेको ९ औं महाँधिवेसनमा झलनाथ खनाल र माधव नेपाल एउटै प्यानलमा उभिए । सोही प्यानलमा भीम रावल पनि उभिए ।  सुदूरपश्चिमका भीम रावलले झलनाथ÷माधव समुहबाट चुनाव जितेर प्रदेश इन्चार्जको जिम्मेवारी समेत पाए । त्यसपछि यहाँका नेता कार्यकर्ता पनि भीम रावल संग नजिक भएका थिए ।

‘माधव÷झलनाथको गुटमा भीमरावल गएपछि यहाँका नेताको लाइन मिलेको मात्रै हो,’ एमालेका एक नेता भन्छन्,‘तर उनिहरु भीमरावलका कहिल्यै भएनन्, जसको परिणाम एमाले विभाजित हुँदा देखिएकोछ ।’ ती नेताका अनुसार अछामबाट राष्ट्रिय सभामा प्रतिनिधित्व गर्ने शेरबहादुर कुँवर भने भीमरावलकै कार्यकर्ता हुन् ।

संसद विघटन हुँदा नै राष्ट्रिय सभा सदस्य कुँवरले भीमरावललाई ओलीकै लाइनमा रहन आग्रह समेत गरेका थिए । तर रावलले त्यतिवेला माधव समुहलाई रोजे । शेरबहादुर कुँवर पनि रावलकै पछाडी लागेका थिए । एमाले विभाजन हुँदा कुँवरले समेत रावललाई छोडेका छन् ।

सुदूरपश्चिम प्रदेशसभा सदस्य तथा कञ्चनपुरका तत्कालिन एमाले अध्यक्ष तारालामा तामाङले पनि सो कुरालाई पुष्टि गरे । उनले घुमाउरो शैलिमा आफुहरु भीमरावलको नभएको पुष्टि गरे । 

‘पार्टी विभाजन हुँदा दल रोज्नपाउनु हाम्रो अधिकार हो,’ तामाङले भने,‘तर हामी कसैका एस म्यान बन्दैनौं, हामी स्वतन्त्र छौं ।’ उनले आफुहरुले रावललाई नेता मानेको बताए । ‘एमालेमा छदा रावल कम्रेडले हामीलाई डो¥याउनु भएको थियो,’ उनले भने,‘तर ओलीको निरङकु शैलिका कारण हामी फरक बाटोमा लागेका छौं ।