बझाङको जयपृथ्वी नगरपालिका ७ सुवेडामा चितुवाले स्थानियका ८ बाख्रा खायो, एक घाईते

नरेन्द्र उपाध्याय ।

बझाङको जयपृथ्वी नगरपालिका ७ सुवेडाको पानी काफल सामुदायिक वनमा चितुवाले स्थानियका ८ वाख्रा खाएको छ । स्थानिय लोक वहादुर वम्मका ६ वाख्रा र जय प्रकाश बम्मका २ वाख्रा खाएको छ भने एक बाख्रा घाईते अवस्थामा भेटिएको स्थानिय पारस बम्मले जानकारी दिएका छन । खाएका बाख्रा केहि मारेछ छोडेको अवस्थामा भेटिएका छन भने केहिको आधि शरिर खाएको स्थानियले वताएका छन ।

 चितुवाको आक्रमणवाट झण्डै २ लाख वरावरको क्षति भयको जनाईएको छ । हिजो दिउसो जॅगलमा चराउन लगाएका बाख्रा राती घर न आए पछि हिजो राती देखि नै खोजीमा जुटेका स्थानियले आज विहान ८ बजे मात्र थिए बाख्राहरु खाएको अवस्थामा फेला पारेका थिए । बाघले खाएर छोडेका बाख्रा आजै स्थानिय जनप्रतिनिधि,प्रहरी तथा डिभिजन वन कार्यालयको रोहवरमा मुचुल्का वनाएर गाडिएको छ ।

डिभिजन वन कार्यालयले मानव बन्यजन्तु द्वन्दवाट क्षति भयका पशु चौपायाको वन ऐन अनुसार मुल्याङकन गरेर सरकारले क्षतिपूर्ती दिने जनाएको छ ।

त्यस्तै कार्यालयले सामुदायिक वनहरुमा चितुवाको आक्रमण हुन सक्ने भयकाले सचेत रहन आग्रह गरेको छ  । डिभिजन बन कार्यालयका निमित्त प्रमुख कर्ण वहादूर खातीले स्थानियहरुले बाघले बाख्रा खाएको भन्ने जानकारी दिए पनि बझाङमा ठुलो पाटे बाघ हाल सम्म नभेटिएको र चितुवा नै भेटिएको हुनाले चितुवाले वाख्रा खाएको वताएका छन ।

 उनले भने-" स्थानिय भाषामा बाघ नै भनिने गरेपनि वास्तवमा त्यो बाघ नभयर चितुवा हो " चितुवाले प्राय जसो मान्छेलाई पनि आक्रमण गर्ने भयकाले सामुदायिक वनमा जादा ख्याल गर्नु पर्छ ।

निमित्त प्रमुख खातीका अनुसार चितुवाको सॅख्या कम भय पनि कैले काहि खप्तड राष्ट्रिय निकुञ्जवाट पनि आहाराको खोजिमा यहासम्म पुग्ने गरेका छन । जॅगलमा आहारा नपाउदा स्थानियका घरसम्मै पनि आउने गरेकाले सचेत बन्नु पर्ने उहाको भनाई छ । पाटेवाघका पाटा परेको हुने र आकारमा ठुलो हुने भय पनि चितुवा बाघ भन्दा सानो हुन्छ र शरिरमा थोप्ला थोप्ला परेका हुन्छन । आक्रमणमा बाघ भन्दा पनि बढी आक्रमण गर्ने यो चितुवा रुखमा समेत जाने गर्दछ ।